ಮೈಸೂರಿನಲ್ಲಿ ಮಕ್ಕಳಿಗೆ ಮಣ್ಣಿನಲ್ಲಿ ಆಡುತ್ತಾ ಮಣ್ಣಿನಿಂದಲೇ ಗಣಪ ತಯಾರಿಸುವ ಕಾರ್ಯಾಗಾರ

ಮೈಸೂರು: ಮಕ್ಕಳಿಗೆ ಮಣ್ಣಿನೊಂದಿಗೆ ಆಟವಾಡುವುದೆಂದರೆ ಎಲ್ಲಿಲ್ಲದ ಸಂಭ್ರಮ! ಹೀಗಾಗಿ ಅವರ ಸುಂದರ ಕಲ್ಪನಾಶಕ್ತಿಯನ್ನು ಪ್ರೋತ್ಸಾಹಿಸಲು ಭಾರತೀಯ ಶೈಕ್ಷಣಿಕ ರಂಗಭೂಮಿ ಸಂಸ್ಥೆಯು “ಮಣ್ಣಿನೊಂದಿಗೆ ಆಟ” ಎಂಬ 4 ವಾರಾಂತ್ಯಗಳ ವಿಶೇಷ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಸೆಪ್ಟೆಂಬರ್ 5 ಮತ್ತು 6 ರಂದು ಮಕ್ಕಳು ಮತ್ತು ವಯಸ್ಕರಿಗಾಗಿ, ಕುಂಬಾರಿಕೆ ಚಕ್ರವನ್ನು ಉಪಯೋಗಿಸಿ ಮಣ್ಣಿನ ಮಡಿಕೆ ಮಾಡುವ ಕಾರ್ಯಾಗಾರ ಮಕ್ಕಳನ್ನು ಆಕರ್ಷಿಸಲಿದೆ. ಈ  ಕಾರ್ಯಾಗಾರದಲ್ಲಿ ವೃತ್ತಿಪರ ಕುಂಬಾರಾದ ಶ್ರೀಮತಿ ಭಾಗ್ಯವತಿ  ಹಾಗು ಚೆಲುವರಾಜ್ ರವರು ಮಣ್ಣಿನ ಗಣಪ ಮಾಡುವುದನ್ನು ಮಕ್ಕಳಿಗೆ ಹೇಳಿಕೊಡಲಿದ್ದಾರೆ.

ಕಾರ್ಯಾಗಾರ ಯಾವಾಗ, ಎಲ್ಲಿ ಮತ್ತು ಎಷ್ಟು ಗಂಟೆಯವರೆಗೆ ನಡೆಯಲಿದೆ ಎಂಬುದನ್ನು ನೋಡುವುದಾದರೆ, ಸೆಪ್ಟೆಂಬರ್ 5 ರಂದು 3 ಗಂಟೆಯಿಂದ 5 ಗಂಟೆವರೆಗೆ, ಸೆಪ್ಟೆಂಬರ್ 6 ರಂದು ಬೆಳಿಗ್ಗೆ 10 ರಿಂದ 12 ರ ವರೆಗೆ ನಡೆಯಲಿದ್ದು, ಮಣ್ಣಿನ ಗಣೇಶ ಮಾಡುವ ಕಾರ್ಯಕ್ರಮವು ಸೆಪ್ಟೆಂಬರ್ 12 ರಂದು 3 ಗಂಟೆಯಿಂದ 5 ಗಂಟೆವರೆಗೆ, ಸೆಪ್ಟೆಂಬರ್ 13 ರಂದು ಬೆಳಿಗ್ಗೆ 10 ರಿಂದ 12 ರ ವರೆಗೆ ನಡೆಯಲಿದೆ ನೋಂದಣಿ ಮತ್ತು ಹೆಚ್ಚಿನ ವಿವರಗಳಿಗೆ ಮೊಬೈಲ್ ಸಂಖ್ಯೆ 9686892255 ನ್ನು ಸಂಪರ್ಕಿಸಿ ಪಡೆಯ ಬಹುದಾಗಿದೆ.

ಕಾರ್ಯಾಗಾರವು ಮೈಸೂರಿನ ಜೆಎಲ್ ಬಿ ರಸ್ತೆಯಲ್ಲಿರುವ ಹಾರ್ಡ್ ವಿಕ್ ಶಾಲಾ ಆವರಣದಲ್ಲಿರುವ  ಭಾರತೀಯ ಶೈಕ್ಷಣಿಕ ರಂಗಭೂಮಿ ಸಂಸ್ಥೆ (IIET)ಯಲ್ಲಿ ನಡೆಯಲಿದೆ.