ಇನ್ಮುಂದೆ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನಗಳಿಗೆ ಕೇವಲ 15 ನಿಮಿಷದಲ್ಲಿ ಫುಲ್ ಚಾರ್ಜ್  ಸಾಧ್ಯ.. ಏನಿದು ತಂತ್ರಜ್ಞಾನ?

ಬೆಂಗಳೂರು: ಭಾರತದ ಪ್ರಮುಖ ಎಲೆಕ್ಟ್ರಿಕ್ ತ್ರಿಚಕ್ರ (ಇ3ಡಬ್ಲ್ಯೂ) ಮತ್ತು ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಕಂಪನಿ ಆಗಿರುವ ಕೈನೆಟಿಕ್ ಗ್ರೀನ್ ಎನರ್ಜಿ ಅಂಡ್ ಪವರ್ ಸೊಲ್ಯೂಷನ್ಸ್ ಲಿಮಿಟೆಡ್ ಸಂಸ್ಥೆಯು ಅತ್ಯಂತ ವೇಗದ ಚಾರ್ಜಿಂಗ್ ತಂತ್ರಜ್ಞಾನ ಒಂದಗಿಸುವ ಎಕ್ಸ್‌ಪೋನೆಂಟ್ ಎನರ್ಜಿ ಸಂಸ್ಥೆ ಜೊತೆ ಸಹಭಾಗಿತ್ವ ಮಾಡಿಕೊಂಡಿದೆ.

ಈ ಸಹಯೋಗದ ಭಾಗವಾಗಿ ಈ ಎರಡು ಕಂಪನಿಗಳು ದೇಶದಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿರುವ, ಅತ್ಯಂತ ವೇಗವಾಗಿ ಪ್ರಸಿದ್ಧಿ ಹೊಂದುತ್ತಿರುವ ಎಲ್5 ಮತ್ತು ಎಲ್3 ವಿಭಾಗದ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನಗಳಿಗೆ (ಇ-ರಿಕ್ಷಾ ಮತ್ತು ಇ-ಕಾರ್ಗೋ ಕಾರ್ಟ್‌ ಒಳಗೊಂಡು) ಅತ್ಯಂತ ವೇಗದ ಚಾರ್ಜಿಂಗ್ ವ್ಯವಸ್ಥೆ ಜಾರಿಗೆ ಬರಲಿದೆ. ಇದು ಭಾರತದ ಎಲೆಕ್ಟ್ರಿಕ್ ಸಾರಿಗೆ ಕ್ಷೇತ್ರದಲ್ಲಿ ಇದೊಂದು ಐತಿಹಾಸಿಕ ಸಾಧನೆಯಾಗಿದ್ದು, ಈ ತಂತ್ರಜ್ಞಾನವು ನಗರ ಮತ್ತು ಸಣ್ಣ ಪಟ್ಟಣಗಳ ಕೊನೆಯ ಹಂತದ ಸಾರಿಗೆ ವ್ಯವಸ್ಥೆಯ ದಕ್ಷತೆ ಮತ್ತು ಉತ್ಪಾದಕತೆಯನ್ನು ಸಂಪೂರ್ಣವಾಗಿ ಬದಲಾಯಿಸಲಿದೆ.

ಕೈನೆಟಿಕ್ ಗ್ರೀನ್‌ ಸಂಸ್ಥೆಯ ಜನಪ್ರಿಯ ಎಲ್3 ಮಾದರಿಗಳಾದ ಸಫರ್ ಸ್ಮಾರ್ಟ್, ಸಫರ್ ಶಕ್ತಿ ಮತ್ತು ಸೂಪರ್ ಡಿಎಕ್ಸ್ ಈಗ 15 ನಿಮಿಷದ ರಾಫಿಡ್ ಚಾರ್ಜಿಂಗ್ ಸೌಲಭ್ಯವನ್ನು ಹೊಂದಿವೆ. ಚಿಕ್ಕ ವಿರಾಮದ ಅವಧಿಯಲ್ಲಿಯೇ ತ್ವರಿತವಾಗಿ ಚಾರ್ಜ್ ಮಾಡಿ ದಿನದ ಕಾರ್ಯಾವಧಿಯನ್ನು ಶೇ.30ರಷ್ಟು ಹೆಚ್ಚಿಸಲು ಇದರಿಂದ ಸಾಧ್ಯವಾಗಲಿದೆ. ಎಲ್5 ವಿಭಾಗದಲ್ಲಿ ಹೆಚ್ಚಿನ ಪೇಲೋಡ್ ಮತ್ತು ರೇಂಜ್‌ ಗೆ ಹೆಸರಾದ ಹೈ-ಸ್ಪೀಡ್ ಲಾಜಿಸ್ಟಿಕ್ಸ್ ವಾಹನ ಎಲ್5ಎನ್ ಸಫರ್ ಜಂಬೋ ಲೋಡರ್ ಈಗ 15 ನಿಮಿಷ ಚಾರ್ಜಿಂಗ್‌ ವ್ಯವಸ್ಥೆಯಿಂದ ಹೆಚ್ಚು ಟ್ರಿಪ್‌ ಗಳನ್ನು ಮಾಡಬಲ್ಲದು.

ಇದರಿಂದ ವಾಹನ ಮಾಲೀಕರು ಮತ್ತು ಹೆಚ್ಚು ವಾಹನಗಳ ಮಾಲೀಕರಿಗೆ ಹೆಚ್ಚು ಆದಾಯ ಮತ್ತು ಉತ್ತಮ ಲಾಭ ದೊರೆಯಲಿದೆ. ಅದೇ ರೀತಿ, ಗಂಟೆಗೆ 50 ಕಿ.ಮೀ. ವೇಗ ಮತ್ತು ಸುದೀರ್ಘ ಅಂತರದ ಅಂತರ್ ನಗರ ಸಾರಿಗೆಗೆಂದೇ ವಿನ್ಯಾಸ ಮಾಡಲಾಗಿರುವಲ ಎಲ್5ಎಂ ಪ್ಯಾಸೆಂಜರ್ ಮಾದರಿಗೂ ಈ ಅತ್ಯಾಧುನಿಕ ಚಾರ್ಜಿಂಗ್ ತಂತ್ರಜ್ಞಾನವನ್ನು ಒದಗಿಸಲಾಗುತ್ತದೆ.

ಎಕ್ಸ್‌ಪೋನೆಂಟ್ ಎನರ್ಜಿಯ ಸ್ವಾಮ್ಯದ ಫುಲ್-ಸ್ಟ್ಯಾಕ್ ಪ್ಲಾಟ್‌ಫಾರ್ಮ್ (ಅತ್ಯಾಧುನಿಕ ಬ್ಯಾಟರಿ, ಸ್ಮಾರ್ಟ್ ಚಾರ್ಜಿಂಗ್ ನೆಟ್‌ವರ್ಕ್ ಮತ್ತು ಸ್ಮಾರ್ಟ್ ಸಾಫ್ಟ್‌ವೇರ್) ಕೈನೆಟಿಕ್ ಗ್ರೀನ್ ವಾಹನಗಳಿಗೆ 15 ನಿಮಿಷದಲ್ಲಿ ಚಾರ್ಜಿಂಗ್ ಮಾಡುವ ಸೌಲಭ್ಯ ಮತ್ತು ಉದ್ಯಮದಲ್ಲಿಯೇ ಅತ್ಯುತ್ತಮ 3000 ಸೈಕಲ್ ವಾರಂಟಿಯನ್ನು ಒದಗಿಸುತ್ತದೆ. ಎಕ್ಸ್‌ಪೋನೆಂಟ್‌ನ ವಿಸ್ತರಿಸುತ್ತಿರುವ ಚಾರ್ಜಿಂಗ್ ನೆಟ್‌ವರ್ಕ್‌ನಲ್ಲಿ ಎಲ್ಲಿ ಬೇಕಾದರೂ ಸುಲಭವಾಗಿ ಚಾರ್ಜ್ ಮಾಡಬಹುದು. ಇಂಟಿಗ್ರೇಟೆಡ್ ಡಿಜಿಟಲ್ ಪ್ಲಾಟ್‌ಫಾರ್ಮ್ ತಕ್ಷಣವೇ ಚಾರ್ಜ್ ಸ್ಥಿತಿ, ಪ್ರಿಡಿಕ್ಟಿವ್ ಮೇನ್ಟೆನೆನ್ಸ್ ಅಲರ್ಟ್ ಮತ್ತು ಫ್ಲೀಟ್ ಆಪ್ಟಿಮೈಸೇಶನ್‌ ವ್ಯವಸ್ಥೆಯನ್ನು ಒದಗಿಸುತ್ತದೆ.

ಈ ಕುರಿತು ಮಾತನಾಡಿರುವ ಕೈನೆಟಿಕ್ ಗ್ರೀನ್‌ನ ಸಂಸ್ಥಾಪಕರು ಮತ್ತು ಸಿಇಓ ಡಾ. ಸುಲಜ್ಜಾ ಫಿರೋದಿಯಾ ಮೋಟ್ವಾನಿ ಅವರು, “ಭಾರತದ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನ ವಿಭಾಗಕ್ಕೆ ಇದೊಂದು ನಿರ್ಣಾಯಕ ಕ್ಷಣವಾಗಿದೆ. ಇ-ರಿಕ್ಷಾ ಮತ್ತು ಕಾರ್ಗೋ ಕಾರ್ಟ್‌ಗಳಿಗೆ ದೇಶದಲ್ಲಿ ಮೊದಲ ಬಾರಿಗೆ 15 ನಿಮಿಷದಲ್ಲಿಯೇ ಫುಲ್ ಚಾರ್ಜ್ ಮಾಡುವ ವ್ಯವಸ್ಥೆ ಕಲ್ಪಿಸಲಾಗಿದ್ದು, ಈ ಮೂಲಕ ಕೊನೆಯ ಹಂತದ ಸಾರಿಗೆ ವಿಭಾಗದ ಬೆನ್ನೆಲುಬಾಗಿರುವ ಈ ತ್ರಿಚಕ್ರ ವಾಹನಗಳ ಮಾಲೀಕರು, ನಿರ್ವಾಹಕರಿಗೆ ಹೆಚ್ಚು ಕಾರ್ಯಾವಧಿ ಮತ್ತು ದಕ್ಷತೆ ಒದಗಿಸುವ ಮೂಲಕ ಪ್ರಯೋಜನ ಒದಗಿಸುತ್ತಿದ್ದೇವೆ.

ಗ್ರಾಹಕ ಕೇಂದ್ರಿತ ವಿಧಾನದ ಅಡಿಯಲ್ಲಿ ನಮ್ಮ ಎಲ್3 ಎಲೆಕ್ಟ್ರಿ ತಿಚಕ್ರ ವಾಹನ ವಿಭಾಗಕ್ಕೆ ಈ ವಿಶೇಷ ಪ್ರಯೋಜನ ಒದಗಿಸುತ್ತಿದ್ದು, ಇದರಿಂದ ಗ್ರಾಹಕರಿಗೆ ಅತ್ಯುತ್ತಮ ಸೌಲಭ್ಯ ದೊರೆಯಲಿದೆ. ಹಸಿರು ಸಾರಿಗೆಯನ್ನು ಎಲ್ಲರಿಗೂ ಸುಲಭವಾಗಿ, ಕೈಗೆಟುಕುವಂತೆ ಮಾಡುವ ನಮ್ಮ ಧ್ಯೇಯವನ್ನು ಈ ಸಹಯೋಗವು ವೇಗಗೊಳಿಸುತ್ತದೆ ಮತ್ತು ಭಾರತದ ಇವಿ ಮೂಲಸೌಕರ್ಯ ಅಭಿವೃದ್ಧಿಗೆ ವೇಗ ನೀಡುತ್ತದೆ ಎಂದಿದ್ದಾರೆ.

ಕೈನೆಟಿಕ್ ಗ್ರೀನ್ ಗ್ರಾಹಕರಿಗೆ ತಕ್ಷಣದ ಬೆಂಬಲ ನೀಡಲು ಎಕ್ಸ್‌ಪೋನೆಂಟ್‌ನ 160ಕ್ಕೂ ಹೆಚ್ಚು ಚಾರ್ಜಿಂಗ್ ಸ್ಟೇಷನ್‌ಗಳ ನೆಟ್‌ವರ್ಕ್ ನಾಲ್ಕು ನಗರಗಳಲ್ಲಿ ಲಭ್ಯವಾಗಲಿದೆ. ಮುಂದಿನ 12 ತಿಂಗಳಲ್ಲಿ ಇದು ಪ್ರಮುಖ ಮಹಾನಗರ ಮತ್ತು ಎರಡು ಹಾಗೂ ಮೂರನೇ ಶ್ರೇಣಿಯ ನಗರಗಳಲ್ಲೂ ಈ ವ್ಯವಸ್ಥೆ ದೊರೆಯಲಿದೆ. ಎಕ್ಸ್‌ಪೋನೆಂಟ್‌ ನ ಕ್ಲೌಡ್ ಆಧಾರಿತ ಚಾರ್ಜಿಂಗ್ ಡ್ಯಾಶ್‌ಬೋರ್ಡ್ ಅನ್ನು ಕೈನೆಟಿಕ್ ಗ್ರೀನ್‌ ನ ಫ್ಲೀಟ್ ಮ್ಯಾನೇಜ್‌ಮೆಂಟ್ ಆಪ್‌ ಗೆ ಸಂಯೋಜಿಸಲಾಗುತ್ತದೆ. ಇದರಿಂದ ಚಾರ್ಜ್ ಶೆಡ್ಯೂಲ್ ಮಾಡುವುದು, ದಾರಿಯನ್ನು ತಿಳಿದುಕೊಳ್ಳುವುದು, ವಾಹನದ ಅಪ್‌ಟೈಮ್ ಅನ್ನು ಗರಿಷ್ಠ ಮಾಡುವುದು ಸುಲಭವಾಗಲಿದೆ.

ಈ ಸಹಯೋಗವು ವೇಗದ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನ ಚಾರ್ಜಿಂಗ್ ವಿಭಾಗದಲ್ಲಿ ಕೈನೆಟಿಕ್ ಗ್ರೀನ್‌ ನ ನಾಯಕತ್ವವನ್ನು ಇನ್ನಷ್ಟು ಬಲಪಡಿಸುತ್ತದೆ. ವಿಶೇಷವಾಗಿ ಹೆಚ್ಚು ಪ್ರಸಿದ್ಧಿ ಹೊಂದುತ್ತಿರುವ ಎಲ್3 ವಿಭಾಗದಲ್ಲಿ ಕೈನೆಟಿಕ್ ಗ್ರೀನ್ ಭಾರತದ ಇ3ಡಬ್ಲ್ಯೂ ಕ್ಷೇತ್ರದಲ್ಲಿ ಪ್ರಬಲ ಶಕ್ತಿಯಾಗಿ ಹೊರಹೊಮ್ಮಲಿದೆ.