ಸಂಕಷ್ಟದಲ್ಲಿಯೂ ಛಲದಿಂದ ಸಿನಿಮಾ ಬದುಕನ್ನು ಕಟ್ಟಿಕೊಂಡ ಹಿರಿಯ ನಟಿ ಲೀಲಾವತಿ… ಇವರು ನಟಿಸಿದ ಚಿತ್ರಗಳೆಷ್ಟು?

ಹಿರಿಯನಟಿ ಲೀಲಾವತಿ ಅವರು ಚಂದನವನದಲ್ಲಿ  ಹೆಸರು ಮಾಡಿದ ನಟಿ… ಇವರು ಸಿನಿಮಾ ರಂಗಕ್ಕೆ ನೀಡಿದ ಕೊಡುಗೆಗಳು ದೊಡ್ಡಮಟ್ಟದಲ್ಲಿದೆ. ಜೀವನುದ್ದಕ್ಕೂ ಸುಖಪಡದ ಜೀವ… ತನ್ನ ಸುತ್ತಲೂ ಸುತ್ತಿಕೊಳ್ಳುತ್ತಿದ್ದ ಸಂಕಷ್ಟವನ್ನು ಕೊಡವಿಕೊಂಡು ಸಿನಿಮಾ ಸೇರಿದಂತೆ ತಮ್ಮ ಬದುಕನ್ನು ಗಟ್ಟಿ ಮಾಡಿಕೊಂಡವರು.. ಇಂತಹ ನಟಿಯ ಬಗ್ಗೆ ಹೇಳುತ್ತಾ ಹೋದರೆ ಗ್ರಂಥವೊಂದು ಸಿದ್ಧವಾಗಿ ಬಿಡುತ್ತದೆ. ಅವರ ಸಿನಿಮಾ ಬದುಕಿನ ಬಗ್ಗೆ ಕುಮಾರಕವಿ ನಟರಾಜ್ ಅವರು ಇಲ್ಲಿ ಪರಿಚಯಿಸಿದ್ದಾರೆ…

1933ರ ಆಸುಪಾಸು, ಬ್ರಿಟಿಷ್‍ ಇಂಡಿಯಾ ಮದ್ರಾಸ್‍ ಪ್ರಾವಿನ್ಸ್ ಮೈಸೂರು ರಾಜ್ಯ ದಕ್ಷಿಣ ಕನ್ನಡ ಮಂಗಳೂರು ಸಮೀಪದ ಬೆಳ್ತಂಗಡಿ ಗ್ರಾಮದ ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿದ ಈ ಲೀಲಾಕಿರಣ 1949ರಲ್ಲಿ ಡಿ.ಶಂಕರಸಿಂಗ್‍ರವರ ‘ನಾಗಕನ್ನಿಕ’ ಕನ್ನಡ ಸಿನಿಮಾ ಮೂಲಕ ಚಂದನವನಕ್ಕೆ ಎಂಟ್ರಿ. 1953ರಲ್ಲಿ ‘ಚಂಚಲಕುಮಾರಿ’ ಮತ್ತು ಸೌಭಾಗ್ಯಲಕ್ಷ್ಮಿ’ ಚಿತ್ರಗಳ ನಂತರ ಲೀಲಾವತಿ ಎಂದು ಹೆಸರು ಬದಲಾಯಿಸಿಕೊಂಡರು. ಕನ್ನಡ ಚಿತ್ರರಂಗದ ನಾಯಕನಟರಾದ ರಾಜಕುಮಾರ್, ಕಲ್ಯಾಣಕುಮಾರ್, ಉದಯಕುಮಾರ್, ಸುಬ್ಬಯ್ಯನಾಯ್ಡು, ಆರ್.ನಾಗೇಂದ್ರರಾವ್, ಕೆಂಪರಾಜಅರಸು, ಹೊನ್ನಪ್ಪಭಾಗವತರ್ ಮುಂತಾದ ದಿಗ್ಗಜರ ಚಿತ್ರಗಳಲ್ಲಿ ನಟಿಸಿ ಖ್ಯಾತರಾದರು.

ರಾಜೇಶ್, ರಾಜಾಶಂಕರ್, ವಿಷ್ಣುವರ್ಧನ್, ಅಂಬರೀಷ್, ಪ್ರಭಾಕರ್ ಮುಂತಾದವರ ಚಿತ್ರಗಳಲ್ಲೂ ಅಭಿನಯಿಸಿ ನಭೂತೋ ನಭವಿಷ್ಯತಿ ದಾಖಲೆ ನಿರ್ಮಿಸಿ ಚಂದನವನದ 5 ತಲೆಮಾರಿನ ಬಹುತೇಕ ಎಲ್ಲ ಹೀರೋಗಳ ಸಿನಿಮಗಳಲ್ಲೂ ನಟಿಸಿದ ಏಕೈಕ ಅಭಿನೇತ್ರಿ ಎಂಬ ಖ್ಯಾತಿಗೂ ಭಾಜನರಾದರು. ಇವರ ಜತೆ ನಟಿಸಿದ ಹೀರೋಗಳ ಪೈಕಿ ರಾಜಕುಮಾರ್ ಜತೆ ಅತಿ ಹೆಚ್ಚು ಫಿಲಮ್‍ಗಳಲ್ಲಿ ನಟಿಸಿದ ದಾಖಲೆ ಹೊಂದಿರುವ ಈಕೆ ‘ವರನಟ ರಾಜಕುಮಾರ್’ ಅವರಂತೆ ‘ವಧುನಟಿ ಲೀಲಾವತಿ’ ಎಂಬ ಬಿರುದನ್ನೂ ಪಡೆದಿದ್ದರು.

ಈ ಅಪೂರ್ವ ಜೋಡಿ ನಟಿಸಿದ 30ಕ್ಕೂ ಹೆಚ್ಚು ಜನಪ್ರಿಯ ಚಿತ್ರಗಳ ಪೈಕಿ ಟಾಪ್ ಸಿನಿಮಾಗಳು: ವೀರಕೇಸರಿ, ಕುಲವಧು, ಕಣ್ತೆರೆದುನೋಡು, ಗಾಳಿಗೋಪುರ, ಮನಮೆಚ್ಚಿದಮಡದಿ, ಕನ್ಯಾರತ್ನ, ರಾಣಿಹೊನ್ನಮ್ಮ, ತುಂಬಿದಕೊಡ, ರಣಧೀರಕಂಠೀರವ, ಸಿಪಾಯಿರಾಮು, ಮುಂತಾದ ಸಿನಿಮಾಗಳಂತು ಇವತ್ತಿಗೂ ನಂ.1 ಸ್ಥಾನದ ಜನಪ್ರಿಯತೆ ಗಳಿಸಿವೆ. ಸುಮಾರು 300ಕ್ಕೂ ಮಿಕ್ಕು ಕನ್ನಡ ಚಿತ್ರಗಳಲ್ಲಿ ನಟಿಸಿರುವ ಲೀಲಾವತಿ ಕನ್ನಡ, ತುಳು, ಕೊಂಕಣಿ, ತಮಿಳು, ತೆಲುಗು, ಹಿಂದಿ ಆರು ಭಾಷೆಗಳ 500 ಸಿನಿಮಾದಲ್ಲಿ ನಟಿಸಿ ಗಿನ್ನಿಸ್ ದಾಖಲೆ ನಿರ್ಮಿಸಿದರು. ಮುತ್ಸದ್ದಿ ಕಲಾವಿದೆ ಲೀಲಾವತಿ ಅಭಿನಯಿಸಿದ ಕಟ್ಟಕಡೇ ಫಿಲಂ, ತಮ್ಮಪುತ್ರ ವಿನೋದರಾಜ್ ನಟಿಸಿ 23.10.2009ರಂದು ಬಿಡುಗಡೆಯಾದ ಕನ್ನಡ ಫಿಲಂ “ಯಾರದು?

ಕರ್ನಾಟಕದಲ್ಲೇ ನೆಲೆಸಬೇಕೆಂಬ ಇಚ್ಚೆಯಿಂದ 1962ರಲ್ಲಿ ಮದ್ರಾಸಿನ ಕೊಡಂಬಕ್ಕಂನಲ್ಲಿ ಖರೀದಿಸಿದ್ದ ತೋಟವನ್ನು ಬಿಕರಿ ಮಾಡಿದ ನಂತರ 1974ರಲ್ಲಿ ಬೆಂಗಳೂರು ನೆಲಮಂಗಲ ಬಳಿಯಿರುವ ಸೋಲದೇವನಹಳ್ಳಿಯಲ್ಲಿ ಕೃಷಿ ಜಮೀನು ಖರೀದಿಸಿ ತಮ್ಮ ಏಕೈಕ ಪುತ್ರ ನಟ ವಿನೋದರಾಜ್ ಜತೆ ಫಾರಂಹೌಸಲ್ಲಿ ವಾಸ ಮಾಡುತ್ತಿದ್ದರು. ವಿನಾಕಾರಣ ಆಗಾಗ್ಗೆ ಕೆಲವು ಕಿಡಿಗೇಡಿಗಳು ನಡೆಸಿದ ದಾಂಧಲೆಗೆ ಒಳಗಾಗಿ ಅನೇಕ ಬಾರಿ ಹಲವಾರು ರೀತಿಯ ಕಷ್ಟನಷ್ಟ ಅನುಭವಿಸಿದ್ದ ತಾಯಿ-ಮಗ, ಧೈರ್ಯಲಕ್ಷ್ಮಿ ಬಂಗಾರದ ಮನುಷ್ಯನಂತೆ ಧೃತಿಗೆಡದೆ ತಂಪಾಡಿಗೆ ತಾವು ಜೀವನ ಸಾಗಿಸುತ್ತಿದ್ದರು. ಕಡೆಗೂ ಈಕೆ ತಮ್ಮ ಮೊಮ್ಮಕ್ಕಳೊಡನೆ ಆನಂದವಾಗಿ ಕಾಲಕಳೆವ ಅದೃಷ್ಟವಂತೆ ಆಗಲೇಇಲ್ಲ?! ವಯೋಸಹಜ ಅನಾರೋಗ್ಯದಿಂದ ವಧುನಟಿ ಡಾ.ಲೀಲಾವತಿ 8.12.2023 ರಂದು ಕೊನೆಯುಸಿರೆಳೆದರು.

ಕೇವಲ 2ನೇ ತರಗತಿವರೆಗೆ ವಿದ್ಯಾಭ್ಯಾಸ ಮಾಡಿದ ನಟಿ ಲೀಲಾಕಿರಣ ಉರುಫ್ ಲೀಲಾವತಿ 6 ಭಾಷೆಗಳ 500ಕ್ಕೂ ಹೆಚ್ಚಿನ ಸಿನಿಮಾಗಳಲ್ಲಿ ಅಭಿನಯ ನೀಡಿದ್ದಾರೆ. ಚಂದನವನ ಚರಿತ್ರೆಯಲ್ಲಿ ನೂತನ ದಾಖಲೆ ಸೃಷ್ಟಿಸಿ ಕಲಾಸರಸ್ವತಿ ಎಂಬ ಬಿರುದು ಸಂಪಾದಿಸದ್ದರು. ಡಾ.ರಾಜ್ ಜತೆ 44ಚಿತ್ರದಲ್ಲಿ ಅಭಿನಯಿಸಿ ರಾಜಕುಮಾರ್ ಜತೆ ನಟಿಸಿದ ಹೀರೋಯಿನ್ ಪೈಕಿ ಮೊದಲಸ್ಥಾನ ಪಡೆದಿದ್ದರು

2008ನೇ ಇಸವಿಯಲ್ಲಿ ಜರುಗಿದ ಘಟಿಕೋತ್ಸವ ಕಾರ್ಯಕ್ರಮ ಸಮಾರಂಭದಲ್ಲಿ ತುಮಕೂರು ವಿಶ್ವವಿದ್ಯಾನಿಲಯದ ಗೌರವ ಡಾಕ್ಟರೇಟ್ ಪುರಸ್ಕೃತ ಲೀಲಾವತಿಯವರು ಹಲವಾರು ಚಿತ್ರದ ತಮ್ಮ ಶ್ರೇಷ್ಠ ಅಭಿನಯಕ್ಕೆ ಪ್ರತಿಷ್ಠಿತ ಫಿಲಂಫೇರ್ ಪ್ರಶಸ್ತಿ ಮತ್ತು ರಾಷ್ಟ್ರ ಪ್ರಶಸ್ತಿ ಹಾಗೂ ಅನೇಕ ರಾಜ್ಯ ಪ್ರಶಸ್ತಿ ಗಳನ್ನು ಪಡೆದಿದ್ದಾರೆ. 2000ನೇ ಇಸವಿಯಲ್ಲಿ ಕರ್ನಾಟಕ ರಾಜ್ಯ ಸರ್ಕಾರ ಜೀವಮಾನ ಸಾಧನೆಗೆ ನೀಡುವ “ಡಾ.ರಾಜಕುಮಾರ್ ಸ್ಮರಣಾರ್ಥ” ಪ್ರಶಸ್ತಿಯನ್ನೂ ಗಳಿಸಿದ್ದರು. ಇವರ ಪುತ್ರ ವಿನೋದರಾಜ್ ಹತ್ತಾರು ಸಿನಿಮಾಗಳಲ್ಲಿ ನಟಿಸುವ ಮೂಲಕ ಜನಪ್ರಿಯ ಹೀರೋ ಎನಿಸಿದ್ದಾರೆ. ಭಾರತದ ಚಿತ್ರರಂಗದಲ್ಲಿರುವ ಕೆಲವೇ ಮಂದಿ ಡಿಸ್ಕೊ-ಕಂ-ಬ್ರೇಕ್ ಡ್ಯಾನ್ಸ್ ಹೀರೋಗಳಲ್ಲಿ ಇವರೂ ಒಬ್ಬರು. ಬಾಲಿವುಡ್ ಖ್ಯಾತನಟ ಮಿಥುನ್ ಚಕ್ರವರ್ತಿಯಿಂದ ಶಹಬ್ಬಾಷ್‍ಗಿರಿ ಪಡೆದು ಜೂ.ಮೈಕೆಲ್ ಜಾಕ್ಸನ್ ಎಂಬ ಬಿರುದು ಸಂಪಾದಿಸಿದ್ದಾರೆ.

ಲೀಲಾವತಿ ನಟಿಸಿದ ಪ್ರಮುಖ ಕನ್ನಡ ಚಿತ್ರಗಳನ್ನು ನೋಡುವುದಾದರೆ, ನಾಗಕನ್ನಿಕಾ, ಚಂಚಲಕುಮಾರಿ, ಸೌಭಾಗ್ಯಲಕ್ಷ್ಮಿ, ಭಕ್ತವಿಜಯ, ಹರಿಭಕ್ತ, ಮಾಂಗಲ್ಯಯೋಗ, ಅಬ್ಬಾಆಹುಡುಗಿ, ಧರ್ಮವಿಜಯ, ರಣಧೀರ ಕಂಠೀರವ, ರಾಣಿಹೊನ್ನಮ್ಮ, ದಶಾವತಾರ, ಕೈವಾರಮಹಾತ್ಮೆ, ಕಣ್ತೆರೆದುನೋಡು, ಕಿತ್ತೂರು ಚೆನ್ನಮ್ಮ, ಕರುಣೆಯೇ ಕುಟುಂಬದ ಕಣ್ಣು, ಭೂದಾನ, ಗಾಳಿಗೋಪುರ, ರತ್ನಮಂಜರಿ, ಮನಮೆಚ್ಚಿದಮಡದಿ, ನಂದಾದೀಪ, ಕನ್ಯಾರತ್ನ, ವಿಧಿವಿಲಾಸ, ಕುಲವಧು, ಕಲಿತರೂಹೆಣ್ಣೇ, ಬೇವುಬೆಲ್ಲ, ಜೀವನತರಂಗ, ಮಲ್ಲಿಮದುವೆ,  ಸಂತತುಕಾರಾಂ, ವಾಲ್ಮೀಕಿ, ವೀರಕೇಸರಿ, ಶಿವರಾತ್ರಿಮಹಾತ್ಮೆ, ತುಂಬಿದಕೊಡ,  ಚಂದ್ರಹಾಸ, ಇದೇಮಹಾಸುದಿನ, ವಾತ್ಸಲ್ಯ,  ಮದುವೆ ಮಾಡಿ ನೋಡು, ಮನೆಕಟ್ಟಿ ನೋಡು.

ನಾಗಪೂಜ, ಮೋಹಿನಿಭಸ್ಮಾಸುರ,  ಪ್ರೇಮಮಯಿ, ತೂಗುದೀಪ, ಗಂಗೆಗೌರಿ,  ಅತ್ತೆಗೊಂದುಕಾಲ ಸೊಸೆಗೊಂದುಕಾಲ, ಭಾಗ್ಯದೇವತೆ, ಅಣ್ಣತಮ್ಮ, ಕಲ್ಪವೃಕ್ಷ, ಮಮತೆ, ಬೃಂದಾವನ, ಗೆಜ್ಜೆಪೂಜೆ, ಸೋತುಗೆದ್ದವಳು, ಆರುಮೂರುಒಂಭತ್ತು, ಸುಖಸಂಸಾರ,  ಸಿಗ್ನಲ್‍ ಮ್ಯಾನ್ ಸಿದ್ದಪ್ಪ, ಬೋರೇಗೌಡ ಬೆಂಗ್ಳೂರಿಗೆ ಬಂದ, ಅಪರಾಜಿತೆ, ಸಿಪಾಯಿರಾಮು, ಶರಪಂಜರ, ಧರ್ಮಪತ್ನಿ, ನಾಮೆಚ್ಚಿದಹುಡುಗ, ಮೂರೂವರೆವಜ್ರಗಳು, ಪ್ರೇಮಪಾಶ, ನಾಗರಹಾವು, ಭಕ್ತಕುಂಬಾರ, ದೇವರಗುಡಿ,ಸಹಧರ್ಮಿಣಿ,ಇದುನಮ್ಮದೇಶ, ಮಗಮೊಮ್ಮಗ, ಪ್ರೊಫೆಸರ್ ಹುಚ್ಚೂರಾಯ, ಮಹಾತ್ಯಾಗ, ಉಪಾಸನೆ, ಬಿಳೀಹೆಂಡ್ತಿ, ಭಾಗ್ಯಜ್ಯೊತಿ, ಹೊಸಿಲುಮೆಟ್ಟಿದಹೆಣ್ಣು, ಕೂಡಿ ಬಾಳೋಣ

ಹೆಣ್ಣುಸಂಸಾರದ ಕಣ್ಣು, ಕಳ್ಳಕುಳ್ಳ, ಕಥಾಸಂಗಮ, ಬಂಗಾರದಗುಡಿ, ಫಲಿತಾಂಶ, ಕಾಲೇಜುರಂಗ, ಮಕ್ಕಳಭಾಗ್ಯ, ಕಿಲಾಡಿಕಿಟ್ಟು, ನಾ ನಿನ್ನ ಮರೆಯಲಾರೆ, ದೀಪ, ಕುಂಕುಮರಕ್ಷೆ, ಮುಗ್ಧಮಾನವ, ವೀರ ಸಿಂಧೂರಲಕ್ಷ್ಮಣ, ದೇವದಾಸಿ, ಕಿಲಾಡಿಜೋಡಿ, ವಸಂತಲಕ್ಷ್ಮಿ, ಮಾತುತಪ್ಪದಮಗ, ನಾ ನಿನ್ನ ಬಿಡಲಾರೆ, ಪಕ್ಕಾಕಳ್ಳ, ಸವತಿಯ ನೆರಳು, ವಿಜಯ್‍ ವಿಕ್ರಮ್, ನನ್ನರೋಶನೂರುವರುಷ, ನಮ್ಮಮ್ಮನಸೊಸೆ, ನ್ಯಾಯನೀತಿಧರ್ಮ, ಸಿಂಹಜೋಡಿ, ಸುಬ್ಬಿಸುಬ್ಬಕ್ಕಸುವ್ವಲಾಲಿ, ವಸಂತಗೀತಾ, ಹಣಬಲವೋಜನಬಲವೋ, ಕುಲಪುತ್ರ, ತಾಯಿಯ ಮಡಿಲಲ್ಲಿ, ಕುಳ್ಳಕುಳ್ಳಿ.

ಧನಲಕ್ಷ್ಮಿ, ಮರೆಯದಹಾಡು, ಆಟೋರಾಜ, ಎರಡುನಕ್ಷತ್ರಗಳು, ಸಿಡಿದೆದ್ದ ಸಹೋದರ, ಮುದುಡಿದ ತಾವರೆ ಅರಳಿತು, ಸಮರ್ಪಣೆ, ಎಡೆಯೂರು ಸಿದ್ಧಲಿಂಗೇಶ್ವರ, ಶ್ರಾವಣಬಂತು, ಇಂದಿನ ರಾಮಾಯಣ, ಒಲವು ಮೂಡಿದಾಗ, ಚಾಣಕ್ಯ, ಅಜೇಯ, ಹೊಸಬಾಳು, ಕೇಡಿನಂ.1, ಬಾಳೊಂದು ಉಯ್ಯಾಲೆ, ನಾನು ನನ್ನ ಹೆಂಡ್ತಿ, ಬೆಟ್ಟದತಾಯಿ, ಕಥಾನಾಯಕ, ಸೀಳುನಕ್ಷತ್ರ, ಹುಲಿಹೆಬ್ಬುಲಿ, ಒಲವಿನಉಡುಗೊರೆ, ಪ್ರೇಮಲೋಕ, ರಾಮಣ್ಣಶಾಮಣ್ಣ, ಡಾಕ್ಟರ್ ಕೃಷ್ಣ, ಅಭಿಮಾನ, ಯುಗಪುರುಷ, ಗಗನ, ಗೋಲ್‍ ಮಾಲ್ ರಾಧಾಕೃಷ್ಣ, ಟೈಗರ್ ಗಂಗು, ಹಬ್ಬ, ಚಾಮುಂಡಿ, ಸ್ವಾತಿ ಮುತ್ತು, ಶುಕ್ರ, ಕನ್ನಡದ ಕಂದ, ದೂರದಬೆಟ್ಟ(ಅತಿಥಿನಟಿ), ಯಾರದು (ಅಂತಿಮ ಫಿಲಂ/2009)