ಮೈಸೂರು: ಹೆಚ್.ಡಿ ಕೋಟೆಯಲ್ಲಿರುವ ಕೆಎಸ್‌ಆರ್‌ಟಿಸಿ ಘಟಕದಿಂದ ಇತ್ತೀಚೆಗಿನವರೆಗೆ ಸರಗೂರು–ಹೆಚ್.ಡಿ ಕೋಟೆ ಮಾರ್ಗವಾಗಿ ಮಹದೇಶ್ವರ ಬೆಟ್ಟ, ಸೇಲಂ, ಶಿವಮೊಗ್ಗ, ಚಿಕ್ಕಮಂಗಳೂರು, ಸಿಗಂದೂರು, ದಾವಣಗೆರೆ, ಮಾನಂದವಾಡಿ, ಊಟಿ, ಬಾಳೆಲೆ, ಕುಟ್ಟ, ವಿರಾಜಪೇಟೆ, ಕೋಲಾರ ಮೊದಲಾದ ಸ್ಥಳಗಳಿಗೆ ಬಸ್ ಗಳು ಸಂಚರಿಸುತ್ತಿದ್ದವು. ಆದರೀಗ ಕೆಲವೊಂದು ಮಾರ್ಗಗಳ ಬಸ್ ಸಂಚಾರವನ್ನು ರದ್ದುಪಡಿಸಲಾಗಿದ್ದು ಪ್ರಯಾಣಿಕರು ಇದರಿಂದ ಸಂಕಷ್ಟಕ್ಕೀಡಾಗಿದ್ದಾರೆ. ಬಸ್ ಗಳಿಲ್ಲದೆ ಪರದಾಡುತ್ತಿದ್ದಾರೆ.
ಈಗಾಗಲೇ ಉಚಿತ ಪ್ರಯಾಣದ ಕಾರಣ ಅದಾಯ ಇಲ್ಲವೆಂಬ ನೆಪದಲ್ಲಿ ಈ ಮಾರ್ಗಗಳನ್ನು ಬೇರೆ ಘಟಕಗಳಿಗೆ ಹಂಚಲಾಗಿದೆ ಎಂದು ಹೇಳಲಾಗುತ್ತಿದೆ. ಅಲ್ಲದೆ, ಹೆಚ್.ಡಿ ಕೋಟೆ ಘಟಕ ಸಮರ್ಪಕ ಸೇವೆ ನೀಡುತ್ತಿಲ್ಲ ಎಂಬ ಆರೋಪಗಳು ಕೇಳಿಬರುತ್ತಿವೆ. ಬೇರೆ ಘಟಕಗಳಿಗೆ ನೀಡಿದ ಮಾರ್ಗಗಳಲ್ಲಿ ಈಗ ಉತ್ತಮ ಆದಾಯ ಬರುತ್ತಿದೆಯಾ ಎಂಬುದು ಪ್ರಶ್ನೆಯಾಗಿದೆ. ಹೆಚ್.ಡಿ.ಕೋಟೆ ಘಟಕದಿಂದ ಕೋಟೆ–ಮೈಸೂರು ಹಾಗೂ ಸರಗೂರು–ಮೈಸೂರು ನಾನ್‌ ಸ್ಟಾಪ್ ಬಸ್ ಗಳನ್ನು ಪ್ರಾರಂಭಿಸಲಾಗಿದ್ದು ಕೋಟೆಗೆ ನಾಲ್ಕು ಬಸ್‌ಗಳನ್ನು ವ್ಯವಸ್ಥೆ ಮಾಡಿರುವಾಗ, ಸರಗೂರಿಗೂ ನಾಲ್ಕು ಬಸ್‌ಗಳನ್ನು ನಿಯೋಜಿಸಲಾಗಿದೆ. ಆದರೆ ಕೋಟೆ ಬಸ್‌ಗಳಿಗೆ ದೊಡ್ಡ ಮಟ್ಟದಲ್ಲಿ ಸ್ಟಿಕ್ಕರ್ ಅಂಟಿಸಿರುವರೆಂದರೆ, ಸರಗೂರು ಬಸ್‌ಗಳಿಗೆ ಯಾವುದೇ ಗುರುತು ಸ್ಟಿಕ್ಕರ್‌ಗಳು ಹಾಕದಿರುವುದು ಪ್ರಯಾಣಿಕರಲ್ಲಿ ಅಸಮಾಧಾನ ಮೂಡಿಸಿದೆ.
ಹೆಚ್.ಡಿ ಕೋಟೆಗೆ ಅರ್ಧ ಗಂಟೆಗೆ ಒಮ್ಮೆ ಬಸ್ ಸಿಗುತ್ತಿದ್ದರೆ, ಸರಗೂರಿಗೆ ಒಂದು ಗಂಟೆಗೆ ಒಮ್ಮೆ ಮಾತ್ರ ಬಸ್ ಇದೆ. ಅದರಲ್ಲಿ ಸಹ ಕೆಲವು ಬಸ್‌ಗಳು ನಿಗದಿತ ವೇಳೆಗೆ ಬರುವುದಿಲ್ಲವೆಂಬುದು ಖಚಿತ, ಮೈಸೂರಿಂದ ಸರಗೂರಿಗೆ ಸಂಜೆ 5 ಗಂಟೆ ಯಿಂದ 7 ಗಂಟೆಗೆ ಬರುವ ಬಸ್ ಗಳಲ್ಲಿ ನೂರರಿಂದ ನೂರ ಐವತ್ತು ಪ್ರಯಾಣಿಕರು ತಮ್ಮ ತಮ್ಮ ಕೆಲಸ ಕಾರ್ಯ ಮುಗಿಸಿ ಹಿಂದಿರುಗುವಾಗ ಬಾರಿ ತೊಂದರೆ ಆಗುತ್ತಿದ್ದು ಈ ಬಗ್ಗೆ ಸಂಬಂಧ ಪಟ್ಟ ಮೇಲಾಧಿಕಾರಿಗಳಿಗೆ ಎಷ್ಟು ಬಾರಿ ತಿಳಿಸಿದರೂ ಸಹ ಕ್ರಮ ಕೈಗೊಂಡಿಲ್ಲ.
ಉದಾಹರಣೆಗೆ ಮೈಸೂರು ಗ್ರಾಮಾಂತರ ಬಸ್ ನಿಲ್ದಾಣ ದಿಂದ ಎಲ್ಲ ಕಡೆಗಳಿಗೆ ಹೋಗಿ ಹೆಚ್.ಡಿ ಕೋಟೆ ಘಟಕಕ್ಕೆ ಹಿಂದಿರುಗುವ ಬಸ್ ಗಳೆಲ್ಲ ಮೈಸೂರಿನಿಂದ ಹೆಚ್.ಡಿ ಕೋಟೆಗೆ ಸಂಜೆ ವೇಳೆ ಸುಮಾರು ಹತ್ತಕ್ಕೂ ಹೆಚ್ಚಿನ ಬಸ್ ಗಳು ಕೋಟೆ ಎಂದು ಹೇಳಿ ಹೋಗುತ್ತವೆ, ಆದರೆ ಸರಗೂರಿಗೆ ಒಂದೋ, ಎರಡೋ ಹೋಗುತ್ತಿರುತ್ತವೆ. ಈ ಸಂಬಂಧ ಮೈಸೂರಿನ ವಿಭಾಗಿಯ ನಿಯಂತ್ರಣಾಧಿಕಾರಿಗಳಿಗೆ ಈ ಸಮಸ್ಯೆ ಬಗ್ಗೆ ಹೇಳುತ್ತಿದ್ದರೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಈ ಬಗ್ಗೆ ವರದಿಗಾರ ದೂರಿನ ಬಗ್ಗೆ ಹಲವಾರು ಬಾರಿ ಹೇಳಿದ್ದರು ಸಹ ಕ್ರಮ ಕೈಗೊಂಡಿಲ್ಲ, ಈ ವಿಷಯದಲ್ಲಿ ಒಂದು ಕಣ್ಣಿಗೆ ಬೆಣ್ಣೆ, ಇನ್ನೊಂದು ಕಣ್ಣಿಗೆ ಸುಣ್ಣ ಎಂಬಂತೆ ತಾರತಮ್ಯ ಮಾಡಲಾಗುತ್ತಿದೆ ಎನ್ನುವುದರಲ್ಲಿ ಎರಡು ಮಾತಿಲ್ಲ.
ಸರಗೂರು ತಾಲೂಕಿನ ಗಾತ್ರ, ಗ್ರಾಮಗಳ ಸಂಖ್ಯೆ ಹಾಗೂ ಬಸ್ ಸಂಚಾರದಿಂದಾಗುವ ಸಂಸ್ಥೆಯ ಆದಾಯವನ್ನು ಪರಿಗಣಿಸಿದರೆ ಈ ರೀತಿಯ ಕ್ರಮ ನ್ಯಾಯಸಮ್ಮತವಾಗಿಲ್ಲವೆಂದು ಜನರು ಹೇಳುತ್ತಿದ್ದಾರೆ. ಸರಗೂರು ಮತ್ತು ಹೆಚ್.ಡಿ ಕೋಟೆ ವೇಗದೂತ ಬಹು ನಿಲುಗಡೆ ಎಂಬ ನಾಮಫಲಕ ಹಾಕಿ ಈ ಬಸ್ ಗಳಲ್ಲಿ ಪ್ರಯಾಣದರ 66 ರೂ ಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ ಈ ಹಣ ಕೊಟ್ಟು ಈ ಬಸ್ ಗಳಲ್ಲಿ ಪ್ರತಿಯೊಂದು ಎಲ್ಲಾ ಗ್ರಾಮ ಗಳಲ್ಲೂ ನಿಲ್ಲಿಸಿ, ನಿಲ್ಲಿಸಿ ಹೋಗುತ್ತದೆ, ಆದರೆ ಪ್ರಯಾಣ ದರವನ್ನು ಸಾಮಾನ್ಯ ದರ್ಜೆಗೆ ಇಳಿಸಿ ಪ್ರಯಾಣಿಕರುಗಳಿಗೆ ಅನುಕೂಲ ಮಾಡಿಕೊಟ್ಟರೆ ಒಳ್ಳೆಯದಾಗುತ್ತದೆ.
ಈ ಸಂಬಂಧ ಕ್ರಮವಾಗಿ ತಡೆ ರಹಿತ, ವೇಗದೂತ ನಿಲುಗಡೆ, ಸಾಮಾನ್ಯ(ಸೆಟಲ್)ಮಾಡಿದಾಗ ಪ್ರಯಾಣಿಕರು ಅವರುಗಳು ಹೋಗ ಬೇಕಾದ ಸ್ಥಳಗಳಿಗೆ ಇಷ್ಟೇ ಗಂಟೆ ಒಳಗಡೆ ತಲುಪಬಹುದೆಂಬ ನಿರೀಕ್ಷೆ ಇರುತ್ತದೆ. ಈಗ ಏನಾಗುತ್ತದೆ ಎಂದರೆ ವೇಗದೂತ ಎಂದು ಮಾಡಿ ಈ ಬಸ್ ಕೆಂಪು ಬೋರ್ಡ್ ಇರುತ್ತೆ ಈ ಬಸ್ ಗಳು ಕೋಟೆ ಅಥವಾ ಸರಗೂರಿನಿಂದ ಈ ಬಸ್ ಗಳು ಎಲ್ಲಾ ಕಡೆ ಸ್ಟಾಪ್ ಕೊಟ್ಟು ಅದರಲ್ಲೂ ಒಂದು ಬಸ್ ಗೆ ಇಷ್ಟೇ ಎಂಬ ಮಿತಿ ಇರುತ್ತೆ
ಉದಾಹರಣೆಗೆ ಒಂದು ಬಸ್ 55 + 10 ಪ್ರಯಾಣಿಕರನ್ನು ಹತ್ತಿಸಿ ಕೊಳ್ಳಲು ಲಿಮಿಟ್ ಇರುತ್ತೆ ಈ ಬಸ್ ಗಳಲ್ಲಿ ಎಲ್ಲಾ ಕಡೆ ನಿಲ್ಲಿಸಿಕೊಂಡು ಸುಮಾರು ನೂರ ರಿಂದ ನೂರಾಐವತ್ತು ಪ್ರಯಾಣಿಕರು ಇರುತ್ತಾರೆ. ಈ ರೀತಿ ಎಲ್ಲಾ ಕಡೆ ಸ್ಟಾಪ್ ಕೊಟ್ಟು ಕೊಟ್ಟು ಹೋದಾಗ ವೇಳೆಯ ಮಿತಿ ಇಲ್ಲದೆ ಎರಡು ಗಂಟೆ ಅಥವಾ ಎರಡೂವರೆ ಗಂಟೆ ತೆಗೆದು ಕೊಳ್ಳುತ್ತವೆ. ಆದ್ದರಿಂದ ಇನ್ನಾದರೂ ಕೆಲಸದ ವೇಳೆಯಲ್ಲಿ ಬೆಳಿಗ್ಗೆ, ಸಂಜೆ ಹೆಚ್ಚಿನ ಬಸ್ ವ್ಯವಸ್ಥೆ ಬೇಕಾಗಿದೆ. ಮೈಸೂರಿನ ಸಬರ್ ಬಸ್(ಗ್ರಾಮಾಂತರ)ನಿಲ್ದಾಣದಲ್ಲಿ ಹೆಚ್.ಡಿ ಕೋಟೆ ಹಾಗೂ ಸರಗೂರು ಪ್ಲಾಟ್ ಫಾರ್ಮ್ ನಲ್ಲಿ ರಾತ್ರಿ ಸಮಯ ಲಾಸ್ಟ್ ಬಸ್ 10 ಗಂಟೆಗೆ ಇರುತ್ತೆ ಇದು ಬಿಟ್ಟರೆ ಇನ್ನು ಮಾರನೆಯ ಬೆಳಗಿನ ಜಾವ 5 ಗಂಟೆಗೆ ಮಾತ್ರ, ಈ ಸಂಬಂಧ ಬೇರೆ ಯಾವುದೇ ಪ್ಲಾಟ್ ಫಾರ್ಮ್ ನಲ್ಲಿ ಬಸ್ ಗಳು ಬೇರೆ ಕಡೆ ಹೋಗಲು 11, 12 ಗಂಟೆ ಈ ಇರುತ್ತವೆ, ಹೀಗಾಗಿ ಈ ಕಡೆಗೂ ರಾತ್ರಿವೇಳೆಯಲ್ಲಿ ಬಸ್ ವ್ಯವಸ್ಥೆ ಮಾಡಿದರೆ ಉತ್ತಮ ಎನ್ನುವುದು ಸಾರ್ವಜನಿಕರ ಅಭಿಪ್ರಾಯವಾಗಿದೆ.
ಸರಗೂರಿಗೆ ಸಂಬಂಧಿಸಿದ ಸುದ್ದಿಗಳನ್ನು ಓದಿ…
ಕೈ’ಗೆ ದಕ್ಕಿದ ಸರಗೂರು ಪ.ಪಂ ಆಡಳಿತ… ಅಧ್ಯಕ್ಷರಾಗಿ ಕಾಂಗ್ರೆಸ್ ಸದಸ್ಯೆ ಚೈತ್ರಾಸ್ವಾಮಿ ಅವಿರೋಧ ಆಯ್ಕೆ
ಸರಗೂರು ಅಂಚೆ ಕಚೇರಿಯಲ್ಲಿ ವಂಚನೆ… ಕ್ರಮದ ಭರವಸೆ ಮೇರೆಗೆ 4ದಿನಗಳ ಧರಣಿ ಅಂತ್ಯ
ಮೈಸೂರಿಂದ ಸರಗೂರಿಗೆ ಕೆಎಸ್ ಆರ್ ಟಿಸಿ ಬಸ್ ಸೇವೆ ಕಡಿತ.. ಕೇಳೋರಿಲ್ಲ ಪ್ರಯಾಣಿಕರ ಗೋಳು..
-ದಾಸೇಗೌಡ
Tags:mysore saragur bus
