ನಾಡಿನ ಸಾಂಸ್ಕೃತಿಕ ಪರಂಪರೆಗೆ ಲಿಂಗಾಯತ ಸಮುದಾಯದ ಕೊಡುಗೆ ಅನನ್ಯ : ಕಲ್ಮಳ್ಳಿ ನಟರಾಜು

ಮೈಸೂರು: ಮೈಸೂರು ಮತ್ತು ಚಾಮರಾಜನಗರ ಜಿಲ್ಲೆಗಳ ಸಮಾನ ಮನಸ್ಕ ಗೆಳೆಯರ ಬಳಗಗಳ ಒಕ್ಕೂಟದ ವತಿಯಿಂದ ಅಗ್ರಹಾರದ ಬಸವೇಶ್ವರ ರಸ್ತೆಯಲ್ಲಿರುವ ಕುದೇರು ಶ್ರೀ ಮಠದಲ್ಲಿ ಸಮುದಾಯದ ವಿವಿಧ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿ ಮೈಸೂರು ಜಿಲ್ಲೆ ಮತ್ತು ಕರ್ನಾಟಕ ರಾಜ್ಯ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾಗಿರುವ ಸಮುದಾಯದ ಸಾಧಕರಿಗೆ ಸೇವಾ ಸ್ಮರಣಾಭಿನoದನೆ ಸಲ್ಲಿಸಲಾಯಿತು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಬಳಗದ ಒಕ್ಕೂಟದ ಅಧ್ಯಕ್ಷರಾದ ಶ್ರೀ ಕಲ್ಮಳ್ಳಿ ನಟರಾಜು ಕನ್ನಡ ಸಾಹಿತ್ಯ ಭಾರತೀಯ ಸಾಹಿತ್ಯದಲ್ಲಿಯೇ ಮೇರು ಸಾಹಿತ್ಯವಾಗಿದ್ದು, ವಿಶ್ವ ಭ್ರಾತೃತ್ವ ಸಾರುವ ವಚನ ಸಾಹಿತ್ಯ ಎಲ್ಲ ಧರ್ಮಗಳ ಸಾರವನ್ನು ಒಳಗೊಂಡ ಮನುಕುಲದ ಮಾನವೀಯ ಧರ್ಮವಾಗಿದೆ . ವಿಶ್ವ ಗುರು ಎನ್ನುವ ಅಭಿದಾನಕ್ಕೆ ಪಾತ್ರರಾಗಿರುವ ಬಸವಣ್ಣನ ದಯವಿಲ್ಲದ ಧರ್ಮ ಯಾವುದಯ್ಯ ದಯ ಇರಬೇಕು ಸಕಲ ಜೀವ ರಾಶಿಗಳಲ್ಲಿ ಎನ್ನುವ ವಚನ ಎಲ್ಲ ಧರ್ಮಗಳ ಅಂತಿಮ ಗುರಿ ಮನುಷ್ಯನ ಶ್ರೇಯಸ್ಸು ಮಾತ್ರ ಬಯಸದೆ ನಿಸರ್ಗದ ಜೀವರಾಶಿಗಳನ್ನು ಮನುಷ್ಯರಂತೆ ಕಾಣ ಬಯಸಿದ ಧರ್ಮ ಎಂದರೆ ತಪ್ಪಾಗಲಾರದು .

ಆ ಕಾಲಘಟ್ಟದಲ್ಲಿ ಪ್ರಭುತ್ವ ಬಸವಣ್ಣವರಿಗೂ ನೀಡಿದ ಹಿಂಸೆ ಅಪಚಾರಗಳಿಂದ ಮನ ನೊಂದು ವಿಮುಖನಾಗಿದ್ದ ಶರಣ ಚಳವಳಿ ಜನ್ಮತಾಳದಿದ್ದರೆ ಲಿಂಗ, ವರ್ಣ ವರ್ಗ ಜಾತಿ ಗಳ ಸಂಕೋಲೆ ಗಳಿಂದ ಬೆಂದಿದ್ದ ಶೋಷಿತ ದೀನರ ಬದುಕು ಹೇಗಿರುತ್ತಿತ್ತು ಎನ್ನುವುದು ಇಂದಿಗೂ ಊಹಿಸಲಾಗದ ಮೈ ನವಿರೇಳಿಸುವ ಸಂಗತಿ ಪ್ರಜಾಪ್ರಭುತ್ವದ ಪರಿಕಲ್ಪನೆ ಭಾರತ ಎಂದರೆ ಔದಾಸೀನ ಭಾವದಿಂದ ನೋಡುತ್ತಿದ್ದ ಆಂಗ್ಲರ ನಾಡು ಬಸವಣ್ಣನ ಪ್ರತಿಮೆಯನ್ನು ಸ್ಥಾಪಿಸಲು ಎಲ್ಲಿ ಅವಕಾಶ ಕೊಡುತ್ತಿತ್ತು ಎನ್ನುವುದನ್ನು ನಾವು ಅರಿಯಬೇಕು

ವಿಶೇಷವಾಗಿ ಶರಣ ಸಂಸ್ಕೃತಿ ನಾಡಿಗೆ ನೀಡಿದ ಕಾಯಕ ದಾಸೋಹದ ಪರಿಕಲ್ಪನೆಯನ್ನು ಅಂದಿನಿಂದಲೂ ಅನುಸರಿಸಿ ಬರುತ್ತಿರುವ ಸಮುದಾಯದ ಎಲ್ಲ ಮಠಗಳು ನಡೆಸುತ್ತಿರುವ ಅನ್ನ ಅಕ್ಷರ ವಸತಿ ನೀಡುವುದರ ಮೂಲಕ ಸ್ವಾವಲಂಬಿ ಬದುಕು ಕಟ್ಟಿ ಕೊಳ್ಳಲು ಕಾರಣೀಭೂತರಾಗಿವೆ ಅದರಲ್ಲೂ ಶಿಕ್ಷಣ ಆರೋಗ್ಯ ಕ್ಷೇತ್ರಗಳಲ್ಲಿ ಸಮುದಾಯದ ಕೊಡುಗೆ ದೊಡ್ಡದು.ಎಲ್ಲರನ್ನೂ ತನ್ನೊಟ್ಟಿಗೆ ಕರೆದೊಯ್ಯುವ ಸಮುದಾಯ ನಮ್ಮದು ಮತ್ತು ಇದು ಸಮುದಾಯದ ಮಹೋನ್ನತ ಕೊಡುಗೆಯಾಗಿದೆ

ಸದ್ದಿಲ್ಲದೆ ವಿವಿಧ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಸಾಧಕರನ್ನು ಗುರುತಿಸಿ ಸರಕಾರ ಪ್ರಶಸ್ತಿ ನೀಡಿರುವುದು ಅತ್ಯಂತ ಸಂತೋಷದ ಸಂಗತಿ ಅವರನ್ನು ಅಭಿನಂದಿಸಿ ಗೌರವಿಸಿ  ಪ್ರೋತ್ಸಾಹಿಸಿ ಬೇಕಾದದ್ದು .ಸಮುದಾಯದ ಪ್ರಜ್ಞಾವಂತರ ಕರ್ತವ್ಯವು ಹೌದು. ಸಾಧನೆಯ ಹಾದಿಯಲ್ಲಿ ಅವರು ಅನುಭವಿಸಿದ ಕಷ್ಟ ನಷ್ಟ್ಟಗಳಿಂದ ಕಂಗೆಟ್ಟಿದ್ದರೆ ಇಂದು ಅವರ ಜೀವನ ಸಾಧನೆ ಪ್ರಶಸ್ತಿಗೆ ಭಾಜನರಾಗುತ್ತಿರಲಿಲ್ಲ    ಅವಮಾನ ಅನುಮಾನಗಳಿಗೆ ಮಾತಿನ ಉತ್ತರದ ಬದಲು ವೃತ್ತಿ ಸಾಧನೆಗಳ ಮುಖಾಂತರ ಉತ್ತರ ಕೊಟ್ಟಿದ್ದಾರೆ ಮತ್ತು ಸಾರ್ಥಕತೆ ಕಂಡಿದ್ದಾರೆ ಮುಂದಿನ ಪೀಳಿಗೆಗೆ ಅನುಕರಣೀಯವಾಗಿದ್ದಾರೆ ಎಂದರು

ಮುಖ್ಯ ಅತಿಥಿಗಳಾಗಿದ್ದ ಕಸಾಪ ಚಂದ್ರಶೇಖರ್ ಕನ್ನಡ ಭಾಷೆಯ ಅಳಿಲು ಉಳಿವು ನಮ್ಮ ಕೈಯಲ್ಲಿದೆ ಅನ್ಯ ಭಾಷೆಗಳ ಜ್ಞಾನಕ್ಕಾಗಿ ಕಲಿಯೋಣ ನಮ್ಮ ಭಾಷೆಯಲ್ಲಿಯೇ ಜೀವಿಸುವುದರ ಮೂಲಕ ನಮ್ಮ ಸಂಸ್ಕೃತಿ ಉಳಿಸಿ ಬೆಳೆಸುವಂತಹ ಕೆಲಸ ನಮ್ಮ ಮನಸ್ಸುಗಳಲ್ಲಿ.ಮನೆಗಳಲ್ಲಿ ನಿರಂತರವಾಗಿರಲಿ ಎಂದರು

ಕಾರ್ಯಕ್ರಮದಲ್ಲಿ ಕುದೇರು ಮಠದ ಕಿರಿಯ ಶ್ರೀಗಳಾಗದ ಇಮ್ಮಡಿ ಗುರು ಶಾಂತ ಸ್ವಾಮಿಗಳು ಅಖಿಲ ಭಾರತ ವೀರಶೈವ ಮಹಾಸಭಾ ಮೈಸೂರು ಜಿಲ್ಲಾ ಘಟಕದ ನಿಕಟ ಪೂರ್ವ ಅಧ್ಯಕ್ಷ ಶ್ರೀ ಕಾನ್ಯ ಶಿವ ಮೂರ್ತಿ ನಿರ್ದೇಶಕರಾದ ಶ್ರೀ ಪರಮೇಶ್ ಮಾಸ್ಟರ್ ಮಾಲಂಗಿ ಸುರೇಶ್ ಮೈಸೂರು ಜಿಲ್ಲಾ ವೀರಶೈವ ನಿಕಟ ಪೂರ್ವ ಅಧ್ಯಕ್ಷರಾದ ಶ್ರೀ ಆಲೂರು ಬಸವರಾಜು ಕಾರ್ಯ ದರ್ಶಿ ಪ್ರಭುಸ್ವಾಮಿ ಮೈಸೂರು ವೀರಶೈವ ನೌಕರರ ಸಂಘದ ನೂತನ ಅಧ್ಯಕ್ಷರಾದ ಶ್ರೀ ಎಂ ಶಿವ ಕುಮಾರ್ ಕಾರ್ಯದರ್ಶಿ ಶ್ರೀ ಮಹದೇವಪ್ರಸಾದ್ ಖಜಾಂಚಿ ಬಾಗಳಿ ಮಹೇಶ್ ಗೌಡಗೆರೆ ಮಹೇಶ್ ಹುಣಸೂರಿನ ಚೆನ್ನವೀರಪ್ಪ ಕೆ ಆರ್ ನಗರ ರಾಜಶೇಖರ್ ಹರೀಶ್ ಸೇರಿದಂತೆ ನೂರಾರು ಜನ ಉಪಸ್ಥಿತರಿದ್ದರು.

ಇದೇ ವೇಳೆ ರಾಜ್ಯ ರಾಜ್ಯಸಭಾ ಕರ್ನಾಟಕ ರಾಜ್ಯ ರಾಜ್ಯೋತ್ಸವದ ವಿಜೇತ ನಂದಿ ಕಂಬ ಮಹದೇವಪ್ಪ ಉಡಿಗಾಲ ಕರ್ನಾಟಕ ರಾಜ್ಯ ವೀರಶೈವ ಲಿಂಗಾಯತ ಅಭಿವೃದ್ಧಿ ನಿಗಮದ ನಿರ್ದೇಶಕ ಹದಿನಾರು ನಂಜಪ್ಪ ಅನಿಕೇತನ ಸೇವಾ ಸಂಸ್ಥೆಯ ಅಧ್ಯಕ್ಷ ಶ್ರೀ ಕೆ ವಿ ಮಲ್ಲೇಶ್, ಮರಿಮಲ್ಲಪ್ಪ ವಿದ್ಯಾಸಂಸ್ಥೆಯ ನಿವೃತ್ತ ಮುಖ್ಯ ಶಿಕ್ಷಕಿ ಶ್ರೀಮತಿ ಮಂಗಳ ಮುದ್ದು ಮಾದಪ್ಪ, ಶ್ರೀಮತಿ ಎಂ ಲೀಲಾಂಬಿಕೆ, ನಗರ್ಲೆ ಶಿವಕುಮಾರ್,  ಬಿಸ್ಲಳ್ಳಿ ವೀರಭದ್ರಪ್ಪ, ನಾಗೇಂದ್ರಪ್ಪ ಮರುಡಪ್ಪ, ಪೂರಿಗಾಲಿ ಮರಡೇಶಮೂರ್ತಿ, ದಿನೇಶ್ ಕುಮಾರ್ ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪಡೆದ ಶ್ರೀ ಲೋಹಿತೇಶ್, ಪ್ರಖ್ಯಾತ ರಂಗಭೂಮಿ ಕಲಾವಿದ ಶ್ರೀ ದೊರೆಸ್ವಾಮಿ ಕೆರೆಹಳ್ಳಿ ಅವರುಗಳನ್ನು ಬಳಗದ ವತಿಯಿಂದ ಅಭಿನಂದಿಸಲಾಯಿತು