ಬದಲಾವಣೆಯ ಕಾಲಘಟ್ಟದಲ್ಲಿ ನಿಂತು ನೋಡುವವರಿಗೆ ಕಾಣುತ್ತಿರುವುದೇನು? ಇಷ್ಟಕ್ಕೂ ಬದಲಾಗುತ್ತಿರುವುದೇನು?

ಬದಲಾವಣೆ ಜಗದ ನಿಯಮ ಎನ್ನುವುದು ಜನಜನಿತ ಮಾತು..  ಆದರೆ ಬದಲಾವಣೆ ಆಗಬೇಕಾಗಿರುವುದು ಎಲ್ಲಿ ಎನ್ನುವುದೇ ಇವತ್ತಿನ ಪ್ರಶ್ನೆಯಾಗಿದೆ. ಏಕೆಂದರೆ ಎಲ್ಲಿ ಬದಲಾಗಬಾರದೋ ಅಲ್ಲಿಯೇ ನಾವು ಬದಲಾಗುತ್ತಿದ್ದೇವೆ. ಇದರಿಂದ ಒಳಿತಿಗಿಂತ ಕೆಡಕು ಜಾಸ್ತಿ ಆಗುತ್ತಿದೆ. ನಮ್ಮ ಬದಲಾವಣೆ ಜಗಕ್ಕೆ ಇರಲಿ ಕೊನೆ ಪಕ್ಷ ನಮಗಾದರೂ ಒಳ್ಳೆಯದು ಮಾಡುವಂತಿದ್ದರೆ ಸಾಕಿತ್ತು. ಆದರೆ ಅದ್ಯಾವುದೂ ಆದಂತೆ ಕಾಣುತ್ತಿಲ್ಲ. ಬದಲಾಗುವುದು ಎಂದರೆ ಹಳೆಯದರ ಜೊತೆಗೆ ಹೊಸತನ್ನು ಸೇರಿಸಿಕೊಳ್ಳುವುದಾಗಿದೆ. ಆದರೆ  ಜರೂರಾಗಿ ಆಗುತ್ತಿರುವ ಕೆಲವೊಂದು ಬದಲಾವಣೆಗಳು ನಮ್ಮ ಹಿರಿಯರು ರೂಢಿಸಿಕೊಂಡು ಬಂದಿದ್ದ ಆರೋಗ್ಯಕಾರಿ ಗುಣಗಳನ್ನೇ ಕಿತ್ತುಕೊಳ್ಳಲಾರಂಭಿಸಿದೆ… ಹಾಗಾದರೆ ಏನಿದು ಬದಲಾವಣೆಯ ಕರಾಮತ್ತು ಅಂತಿರಾ? ಇಲ್ಲಿದೆ ಓದಿ ಬಿಡಿ..

ಮುಂದಿನ 15 ವರ್ಷದಲ್ಲಿ 1950-60ರ ತಲೆಮಾರಿನ ಜನ ಸಂಪೂರ್ಣ ಕಾಣೆಯಾಗುತ್ತಾರೆ..?! ಇದು ಅಚ್ಚರಿ ಎನಿಸಿದರೂ ಸತ್ಯ.. ಏಕೆಂದರೆ *ರಾತ್ರಿ ಬೇಗಮಲಗಿ ಬೆಳಗ್ಗೆ ಬೇಗ ಏಳುವವರು, *ನಸುಕಿನಲ್ಲಿ ವಾಯುವಿಹಾರ ಮಾಡುವವರು, *ಅಂಗಳಗುಡಿಸಿ ನೀರುಚಿಮ್ಕಿಸಿ ರಂಗೋಲಿ ಹಾಕಿ ರೇಡಿಯೋ ಸುಪ್ರಭಾತ/ ದೇವರನಾಮ ಕೇಳು(ಳಿಸು)ವವರು, *ಮುಂಜಾನೆ ಗಿಡಬಳ್ಳಿಗೆ ನೀರುಣಿಸಿ ದೇವರ ಪೂಜೆಗೆ ಹೂವು ಕೊಯ್ಯುವವರು, *ಪ್ರತಿದಿನವೂ ದೇವಸ್ಥಾನಕ್ಕೆ ಹೋಗುವವರು, *ಕಂಡಾಗಲೆಲ್ಲ ಆತ್ಮೀಯವಾಗಿ ಮುಗುಳ್ನಗುತ್ತ ಎರಡೂ ಕೈಗಳಿಂದ ಮನಃಪೂರ್ವಕವಾಗಿ ನಮಸ್ಕರಿಸುವವರು

ಇದನ್ನೂ ಓದಿ: ಉಪ್ಪಿಗಿಂತ ರುಚಿ ಬೇರೆ ಇಲ್ಲ… ಒಪ್ಪಿಕೊಂಡೋರು ದಡ್ಡರಲ್ಲ… ತಿಳಿದವರು ಹೀಗೆ ಹೇಳಿದ್ದೇಕೆ?

*ನೆರೆಹೊರೆಯವರ ಮತ್ತು ಪರಿಚಯಸ್ಥರ ಸುಖ ದುಃಖ ವಿಚಾರಿಸುವವರು, *ಹಳೆಯ ಟೆಲಿಫೋನ್ ಬಳಸುವವರು, *Wrong ನಂಬರ್ ಕರೆಬಂದರೂ ಸೌಜನ್ಯದ ಮಾತುಗಳನ್ನಾಡುವವರು, *ದಿನಪತ್ರಿಕೆಯನ್ನು ಸಂಪೂರ್ಣ ಓದುವವರು *ಉಪವಾಸ ವ್ರತ ನಿಯಮ ಪಾಲಿಸುವವರು, *ಸಮಾಜ ಪೊಲೀಸ್ ಕೋರ್ಟ್ ಕಛೇರಿ ಕಾನೂನಿಗೆ ಹೆದರುವವರು, *ಹಳೆಚೆಡ್ಡಿ ಪಂಚೆ ಚಪ್ಪಲಿ ಬನಿಯನ್ ಧರಿಸುವವರು, *ಮನೆಯಲ್ಲೇ ಅಡಿಗೆಮಾಡಿ ಊಟಮಾಡೋರು, *ಮನೆಯಲ್ಲೇ ಉಪ್ಪಿನಕಾಯಿ ಹಪ್ಪಳಸಂಡಿಗೆ  ತಯಾರಿಸೋರು, ಮಸಾಲೆ ರುಬ್ಬುವವರು, *ಕುಂಕುಮದ ನೀರಲ್ಲಿ ದೃಷ್ಟಿ ತೆಗೆಯುವವರು, *ವ್ಯಾಪಾರದವರೊಡನೆ ಚೌಕಾಸಿ ಮಾಡೋರು, *ಪ್ರತಿರೂಪಾಯಿಗೂ ಬೆಲೆ ಕೊಡುವವರು, *ಖರ್ಚು-ವೆಚ್ಚದ ಲೆಕ್ಕ ಇಡುವವರು.

*ದಿನಚರಿ(ಡೈರಿ) ಬರೆಯುವವರು, *ಹಣಕ್ಕಿಂತ ಗುಣಕ್ಕೆ, ಆಸ್ತಿಗಿಂತ ವ್ಯಕ್ತಿ(ಅಸ್ತಿ)ಗೆ ಮಾನ್ಯತೆ ಕೊಡುವವರು, *ಒಡವೆ-ವಸ್ತ್ರಕ್ಕಿಂತ ನಡತೆ(ನಡೆ-ನುಡಿ)ಗೆ ಗೌರವ ನೀಡುವವರು, *ಮಕ್ಕಳನ್ನ ಮನೆಯಲ್ಲಿ ಬೆಳಸುತ್ತ ಅವರ ಜತೆ ಆಟವಾಡುವ ಪೋಷಕರು(ತಂದೆತಾಯಿ), *ಅಜ್ಜ ಅಜ್ಜಿ ಜತೆಗೆ ಆಡುವ ಮೊಮ್ಮಕ್ಕಳು, *ಮುಮ್ಮಕ್ಕಳಿಗೆ ಕಥೆ ಹೇಳುವ, ಪದ ಹಾಡುವ ಮುತ್ತಜ್ಜ ಮುತ್ತಜ್ಜಿಯರು ಎಲ್ಲರೂ ಮರೆಯಾಗುವ ಲಕ್ಷಣಗಳು ಗೋಚರಿಸುತ್ತದೆ.

ಇದನ್ನೂ ಓದಿ: ಸಂಶಯ ಪಿಶಾಚಿ ನಿಮ್ಮ ಬದುಕನ್ನು ನಾಶ ಮಾಡುವ ಮುನ್ನ ಎಚ್ಚರವಾಗಿರಿ… ಏಕೆ ಗೊತ್ತಾ?

*ಮನೆಯಲ್ಲಿ ತಮ್ಮ-ತಂಗಿಯರಿಗೆ ಪಾಠ ಹೇಳುವ ಅಣ್ಣ-ಅಕ್ಕ, ಚಿಕ್ಕಪ್ಪ-ಚಿಕ್ಕಮ್ಮ, ದೊಡ್ಡಪ್ಪ-ದೊಡ್ಡಮ್ಮ, ಸೋದರಮಾವ- ಸೋದರತ್ತೆ, ಸೋದರಳಿಯ, ಸೋದರಸೊಸೆ ಅತ್ತಿಗೆ-ನಾದಿನಿ, ಬಾವ-ಬಾಮೈದ, ಚಿಕ್ಕಮಾವ-ಚಿಕ್ಕತ್ತೆ, ದೊಡ್ಡಮಾವ-ದೊಡ್ಡತ್ತೆ, ದೊಡ್ಡಜ್ಜಿ-ದೊಡ್ಡಜ್ಜ, ಚಿಕ್ಕಜ್ಜಿ-ಚಿಕ್ಕಜ್ಜ, ಮಿತ್ರ ಚಡ್ಡಿದೋಸ್ತ್ ಮುಂತಾದ ಅನೇಕ ಬಂಧು ಬಳಗದ ಸಂಬಂಧಗಳೆಲ್ಲಾ ಬೇಕೆಬೇಕು ಎನ್ನುವ ತಲೆಮಾರಿನವರು ಒಂದೇಸಲ ಸಾರಾಸಗಟಾಗಿ ಹಳ್ಳಿ ಗ್ರಾಮಾಂತರದಲ್ಲಿ ನಗರ ಪಟ್ಟಣದಲ್ಲಿ ಒಟ್ಟಾರೆ ಇಡೀ ಸಮಾಜದಿಂದಲೇ ಸಂಪೂರ್ಣ ಕಾಣೆಯಾಗಲಿದ್ದಾರೆ! ಸರಿಯಾದ ಜೀವನ ಪಾಠಗಳೂ ಸಹ ಕಣ್ಮರೆಯಾಗುತ್ತವೆ. ಆದ್ದರಿಂದ, ಈ ಹೊತ್ತು ಸಧ್ಯಕ್ಕೆ ನಿಮ್ಮಲ್ಲಿ ಯಾರಿಗಾದ್ರೂ ಮೇಲೆ ತಿಳಿಸಿದಂತೆ ಬಂಧು ಬಾಂಧವರಿದ್ದರೆ ನೀವೇ ಪುಣ್ಯವಂತರು. ಇವರೆಲ್ಲ ಹೆಚ್ಚುವರ್ಷ ನಿಮ್ಮೊಂದಿಗೆ ಇರುವುದಿಲ್ಲ. ತಡಮಾಡದೇ ನೀವೇ ಅವರ ಜತೆ ಅಮೂಲ್ಯ ಕ್ಷಣಗಳನ್ನು ಕಳೆಯಬೇಕು.

ಇನ್ನೊಂದು ಮುಖ್ಯವಿಷಯ ಏನೆಂದರೆ 1950-1960 ಇಸವಿ ಅವಧಿಯಲ್ಲಿ ಜನಿಸಿರುವಂಥವರು ಭಾಗ್ಯವಂತರು. ಏಕೆಂದರೆ ಮೇಲಿನ ಸಂಬಂಧ ಗಳನ್ನು ನೋಡಿರುತ್ತಾರೆ?! ಹಿಂದಿನಕಾಲ ಮತ್ತು ಇಂದಿನ ಕಾಲ ಎರಡನ್ನು ಅನುಭವಿಸಿರುತ್ತಾರೆ. ಎತ್ತಿನಗಾಡಿ, ಕುದುರೆಟಾಂಗ, ಬೈಸಿಕಲ್, ಸ್ಕೂಟರ್, ಮೋಟಾರ್ ಬೈಕ್ ಕಾರ್ ಏರೋಪ್ಲೇನ್, ಯುದ್ಧ, ಹೆಲಿಕಾಪ್ಟರ್, ರಾಕೆಟ್ ಹಾಗೂ ರೇಡಿಯೋ, ಟಿವಿ, ಮೊಬೈಲ್, ಇಂಟರ್ನೆಟ್ ವರೆಗೂ. ಚಿನ್ನಿದಾಂಡು, ಕುಂಟೆ ಪಿಲ್ಲೆ, ಕಬ್ಬಡ್ಡಿ, ಮರಕೋತಿ, ಬಾಕ್ಸಿಂಗ್, ಕುಸ್ತಿ, ಕ್ರಿಕೆಟ್ ಈ ಎಲ್ಲತರದ ಆಟ, ಗರಡಿಮನೆ, ಜಿಮ್, ಕಾಲರಾ ಮಲೇರಿಯ ಕೋವಿಡ್-19 ಕೊರೋನ ಮುಂತಾದ ಎಲ್ಲವನ್ನೂ ಕಂಡಿರುವುದರ ಜತೆಗೇ ಬಡತನ, ಮಧ್ಯಮವರ್ಗ, ಶ್ರೀಮಂತಿಕೆ ಎಲ್ಲವನ್ನೂ ಬಲ್ಲ ಇವರು ಬದುಕಿರೋವರೆಗೂ ಇವರದ್ದಾಗಿ(ತ್ತು)ರುತ್ತದೆ.

ಇದನ್ನೂ ಓದಿ: ಬದಲಾದ ಈ ಕಾಲ ಘಟ್ಟದಲ್ಲಿ ಜನರು ಹೊಟ್ಟೆಗಾಗಿ- ಗೇಣುಬಟ್ಟೆಗಾಗಿ ಮಾತ್ರ ದುಡಿಯುತ್ತಿಲ್ಲ… ಮತ್ತೆ?

ಒಂದು ಸರಳ ಸುಂದರವಾದ ಬದುಕು, ಪ್ರೇರಣೆ ತುಂಬುವಂಥ ಬದುಕು, ನಾಟಕೀಯ(ಬೂಟಾಟಿಕೆ) ಅಲ್ಲದ ಬದುಕು, ಸತ್ಯಧರ್ಮದ ದಾರಿ ತೋರಿಸುವ ಬದುಕು, ಇತರರಿಗೆ ಸ್ಪಂದಿಸುವ ಹಸನ್ಮುಖೀ ಬದುಕು! ಈ ಸ್ವಭಾವಗಳುಳ್ಳ ತಲೆಮಾರಿನ ಜನರೆಲ್ಲ ಮುಂದಿನ ಹತ್ತು, ಹದಿನೈದು ವರ್ಷಗಳಲ್ಲಿ ಸಂಪೂರ್ಣ ಕಾಣೆಯಾಗುತ್ತಾರೆ. ಆದ್ದರಿಂದ ಇಂಥವರಿಂದ ಜೀವನಾನುಭವ ಕಲಿಯುವ ಮೂಲಕ ಸಂಸ್ಕ್ರತಿ ಉಳಿಸೋಣ. ಪವಿತ್ರ ಸಂಬಂಧಗಳನ್ನು ಬೆಸೆಯೋಣ ಎಲ್ಲರನ್ನೂ ಬೆಳಸೋಣ.. ಏನಂತೀರಾ?