ಮೈಸೂರು: ಮೇಟಗಳ್ಳಿಯ ಬಿಎಂಸಿ ನಗರದ ನಿವಾಸಿ ಫಾಸ್ಟ್ ಫುಡ್ ವ್ಯಾಪಾರಿ ಎ.ಎಸ್.ಸತೀಶ್ ಹಾಗೂ ಸೌಮ್ಯ ದಂಪತಿಯ ದ್ವಿತೀಯ ಪುತ್ರಿ ನಗರದ ನಿರ್ಮಲಾ ಪಬ್ಲಿಕ್ ಶಾಲೆಯ ಎ.ಎಸ್.ಮಾನ್ವಿ 625ಕ್ಕೆ 617 ಅಂಕ ಪಡೆಯುವ ಮೂಲಕ ಶಾಲೆಗೆ ಪ್ರಥಮರಾಗಿ ಹೊರ ಹೊಮ್ಮಿ ಸಾಧನೆ ಮಾಡಿದ್ದಾರೆ.
ಕನ್ನಡ(124), ಇಂಗ್ಲಿಷ್(98), ಹಿಂದಿ(100), ಗಣಿತ (95), ವಿಜ್ಞಾನ(100), ಸಮಾಜ ವಿಜ್ಞಾನ(100) ಅಂಕಗಳನ್ನು ಪಡೆದುಕೊಂಡಿದ್ದಾರೆ. ಈ ಕುರಿತು ಮಾತನಾಡಿದ ಅವರು, ಈ ಫಲಿತಾಂಶ ಖುಷಿ ತರಿಸಿದೆ. ಹೆಚ್ಚು ಅಂಕ ಬರುವ ನಿರೀಕ್ಷೆಯಿತ್ತು. ಶಾಲಾ ಶಿಕ್ಷಕ, ಪೋಷಕರ ಬೆಂಬಲವೇ ನನ್ನ ಸಾಧನೆಗೆ ಕಾರಣವಾಗಿದೆ. ಸ್ಪರ್ಧಾತ್ಮಕ ಪರೀಕ್ಷೆ ಎದುರಿಸಿ ಐಎಎಸ್, ಕೆಎಎಸ್ ಆಗಬೇಕೆಂಬ ಹಂಬಲ ಇದೆ ಎಂದು ಸಂತಸ ಹಂಚಿಕೊಂಡರು.
Tags:a s manvi
